ԿԱԹՈՂԻԿՈՍ ԱՐԱՄ Ա-Ն ԱՌԱՋԱՐԿՈՒՄ Է ՀԱՅ ԴԱՏԻ ԳՐԱՍԵՆԵԱԿՆԵՐ ՈՒՆԵՆԱԼ ՆԱԵՒ ԻՍԼԱՄԱԿԱՆ ԱՇԽԱՐՀՈՒՄ

Աղբիւր՝ www.yerkirmedia.am

Մեծի Տանն Կիլիկիոյ կաթողիկոսութիւնն իր շարունակական զօրակցութիւնն է յայտնում Եւրոպայի Հայ դատի յանձնախմբին: Եւրոպահայութեան չորրորդ համագումարի պաշտօնական բացմանն այս մասին ասաց Մեծի Տանն Կիլիկիոյ կաթողիկոս Արամ Ա-ն:

«Մենք այստեղ հաւաքւել ենք եւս մէկ անգամ որպէս նոյն ընտանիքի պատկանող անձինք: Պայմանների բերումով տարբեր տեղերում ենք ապրում, հարցերին տարբեր հայեցակէտերով մօտենում, սակայն մեր կեանքի ճամփին մէկ նպատակ կայ, որովհետեւ մեր հայրենիքը նոյնն է, մեր պահանջատիրութիւնը նոյնն է: Տարբեր մօտեցումներով եւ շեշտադրումներով խօսում ենք եւ պէտք է խօսենք` մեր առջեւ ունենալով մէկ սրբազան նպատակ, որն ինձ համար ազգային պահանջատիրութիւնն է: Այն եկեղեցու եւ յատկապէս Մեծի Տանն Կիլիկիոյ կաթողիկոսութեան համար սովորական երեւոյթ չէ, սովորական դատ չէ, այն գոյութեան իրականութիւն է դարձել: Այսօր առաւել, քան երբեւէ անկախ Հայաստանն ինքն է  իրաւատէրը, պահանջատէրը մեր ժողովրդի արդար իրաւունքների, եւ  հարիւրամեակի հռչակագիրը, որը Հայաստանի նախագահը կարդաց Ծիծեռնակաբերդում,  համայն աշխարհի դիմաց, եկաւ փաստելու, որ  Հայաստանն ինքն իրաւատէր է»,-ասաց Վեհափառը:

Նրա խօսքով` ազգային պահանջատիրութեան հիմքը նաեւ Արցախի ժողովրդի ինքնիշխանութեան, անկախութեան իրաւունքի պաշտպանութիւնն ու ամրապնդումն է:

«Հայաստանը,  Արցախը, Հայ դատի գրասենեակները,  մենք բոլորս զանազան կերպով  աշխատանք ենք տանում եւ պէտք է տանենք: Ես նկատում եմ Հայաստանի եւ Սփիւռքի ամբողջական զօրակցութիւնը Արցախի նկատմամբ: Մեր ժողովրդի իրաւունքն է Արցախի անկախութիւնը, ամէնից առաջ դա մեր ժողովրդի պատմական իրաւունքն է, քանի որ մեր ժողովուրդն այնտեղ է, Արցախում: Այն չգրաւեց մեր ժողովուրդը, ուրիշները ուրիշին նւէր տւեցին: Մեր ժողովուրդն իր պատմական հողի վրայ է»,-ասաց Արամ Ա Վեհափառը`  ընդգծելով, թէ կարեւոր է նաեւ հարցի իրաւական կողմը, քանի որ  ժողովրդի արդար իրաւունքն է իր հողի վրայ կազմակերպել իր անկախութիւնն ու  ինքնիշխանութիւնը:

«Եւ այս գիտակցութեամբ մենք զօրաւիգ կանգնած ենք Արցախի անկախ պետութեանը»,-ասաց նա:

Վեհափառն ընդգծեց, որ անհրաժեշտ է ազգային պահանջատիրութիւնը տարածել ամէնուր եւ միասնական պայքար մղել ու այդ առումով նա առաջարկում է, բացի Եւրոպայից եւ Հիւսիսային Ամերիկայից, Հայ դատի գրասենեակներ ունենալ աշխարհի այլ հատւածներում:

«Հիւսիսային Ամերիկան եւ Եւրոպան կարեւոր են, սակայն կարծում եմ` նաեւ կարեւոր է իսլամական աշխարհը, քանի որ այնտեղ մենք չունենք այնպիսի ներկայացւածութիւն, որքան պէտք է լինի»,- շեշտեց Վեհափառը:


Մեկնաբանութիւն գրել


Security code
Թարմացնել

 
Persian   Armenian

Ֆոտօռեպորտաժ

Տեսաֆիլմ