ՀԱՅԱՍՏԱՆԻ ԵՒ ԻՐԱՆԻ ԱՐՏԳՈՐԾՆԱԽԱՐԱՐՆԵՐԻ ՀԱՆԴԻՊՈՒՄԸ

Աղբիւր՝ www.yerkir.am

Փետրւարի 18-ին Միւնխենում ՀՀ Նախագահի գլխաւորած պատւիրակութեան կազմում գտնւող Հայաստանի արտաքին գործերի նախարար Էդւարդ Նալբանդեանը հանդիպեց Իրանի արտաքին գործերի նախարար Մոհամմադ Ջաւադ Զարիֆին. տեղեկացնում են ԱԳՆ-ից:

Էդւարդ Նալբանդեանն ու Մոհամմադ Զարիֆը գոհունակութեամբ նշեցին, որ երկու երկրների արտգործնախարարների միջեւ հանդիպումները Երեւանում ու Թեհրանում եւ միջազգային հարթակներում կրում են յաճախակի բնոյթ, ինչը թոյլ է տալիս հետեւել երկու երկրների ղեկավարների միջեւ ձեռք բերւած պայմանաւորւածութիւնների կատարման ընթացքին, նախանշել փոխգործակցութեան նոր ծրագրեր:

Հանդիպմանն անդրադարձ կատարւեց երկկողմ օրակարգային հարցերի լայն շրջանակի, ենթակառուցւածքային նախագծերին առնչւող հարցերի: Այս համատեքստում զրուցակիցները բարձր գնահատեցին հայ-իրանական միջկառավարական յանձնաժողովի գործունէութիւնը, որի հերթական համատեղ նիստը նախատեսւած է գումարել մօտ օրերս Երեւանում:

Նախարարները քննարկեցին միջազգային հարթակներում փոխգործակցութեան հարցեր:

Հայաստանի եւ Իրանի արտաքին քաղաքական գերատեսչութիւնների ղեկավարները մտքեր փոխանակեցին տարածաշրջանային եւ միջազգային մի շարք հրատապ խնդիրների շուրջ:

 

Մեկնաբանութիւն գրել


Security code
Թարմացնել

 
Persian   Armenian

Ֆոտօռեպորտաժ

Տեսաֆիլմ