ԱՆԳԱՐԱՅԻ ՄԷՋ ՑՈՅՑ ԹԷՀԼԻՐԵԱՆԻ ԱՐՁԱՆԻՆ ԴԷՄ

Աղբիւր՝ www.yerkir.am

Ինչպէս քանիցս հրատարակած ենք, Թուրքիոյ մէջ շատ ծանր հակազդեցութիւններու տեղի տուաւ Սողոմոն Թէհլիրեանի այն արձանը որ բացուեցաւ Հայաստանի մէջ եւ ուր կը տեսնուի որ Թէհլիեան ոտքի տակ առած է Թալաթ փաշայի կտրուած գլուխը։ Թուրքիոյ զանազան շրջանակներէն բարձրացող բողոքներուն միացան նաեւ Ատռպէյճանէն բարձրացող բողոքները, կը հայտնե «Նոր Մարմարա»-ն։

«Այտընլըք» կը հաղորդէ թէ Ատրպէյճանի ամէնէն հեղինակաւոր ու ազդեցիկ լրատու կայանները մանրամասնօրեն հաղորդեցին տեղեկութիւններ այն ցոյցի մասին որ որպէս բողոք, Անգարայի Ուլուս հրապարակին վրայ կազմակերպուեցաւ Վաթան կուսակցութեան «Էօնճիւ երիտասարդութիւն» կազմակերպութեան կողմէ։