ՀԱՅՈՑ ՑԵՂԱՍՊԱՆՈՒԹԵԱՆ ՀԱՐՑԸ ՊԷՏՔ Է ԹՈՒՐՔԻՈՅ ԽՈՐՀՐԴԱՐԱՆԻՆ ՄԷՋ ՔՆՆԵՆՔ. ՓԱՅԼԱՆ

Աղբիւր՝ www.asbarez.com

Թուրքիոյ խորհրդարանի հայ պատգամաւոր Կարօ Փայլան «Թուիթըր»ի իր էջին վրայ կ՛անդրադառնայ Հայոց Ցեղասպանութեան վերաբերեալ Ֆրանսայի եւ Իտալիոյ իշխանութիւններուն նորագոյն քայլերուն՝ գրելով. «Հայոց Ցեղասպանութիւնը պէտք է հանել Իտալիոյ, Ֆրանսայի ու Ամերիկայի Միացեալ Նահանգներու խորհրդարաններէն, եւ պէտք է զայն արծարծման նիւթ դարձնել այն երկրին մէջ, ուր տեղի ունեցած է այդ մեծ յանցագործութիւնը, այսինքն՝ Թուրքիոյ խորհրդարանին մէջ»:

Նշենք, որ Ֆրանսայի նախագահ Էմանուէլ Մաքրոն, 10 Ապրիլին ստորագրեց հրամանագիր մը՝ Ապրիլ 24ը Ֆրանսայի մէջ Հայոց Ցեղասպանութեան զոհերու յիշատակի օր յայտարարելու մասին:

Նոյն օրը, Իտալիոյ  խորհրդարանը վաւերացուց բանաձեւ մը, որ կոչ կ՛ընէ Թուրքիոյ կառավարութեան՝ ճանչնալու Հայոց Ցեղասպանութիւնը:

Յայտնենք, որ Թուրքիոյ իշխող Արդարութիւն եւ բարգաւաճում կուսակցութենէն երեսփոխան Մարգար Եսայեան նոյնպէս անդրադարձաւ Հայոց Ցեղասպանութեան վերաբերեալ Իտալիոյ խորհրդարանի որոշումին եւ Ֆրանսիայի նախագահի հրամանագիրին եւ, ի տարբերութիւն Փայլանի արձագանգին՝ խստօրէն դատապարտեց նման քայլերը, կրկնելով Թուրքիոյ պաշտօնական դիրքորոշումը։ Ան նաեւ բաւարարուեցաւ «աքսոր» որակելով Հայոց Ցեղասպանութիւնը։

 

Մեկնաբանութիւն գրել


Security code
Թարմացնել

 
Persian   Armenian

Ֆոտօռեպորտաժ

Տեսաֆիլմ