ԹԱԼԻՆ ՄԱՆՍՈՒՐԵԱՆԸ ՆՇԱՆԱԿՒԵԼ Է «ԻՐԱՆԻ ՆԱՒԹԻ ԱԶԳԱՅԻՆ ՀԻՄՆԱՐԿ»-Ի ՆԵՐԴՐՈՒՄՆԵՐԻ ԵՒ ԵԿԱՄՈՒՏՆԵՐԻ ՏՆՕՐԷՆԻ ՊԱՇՏՕՆՈՒՄ

Աղբիւր՝ www.alikonline.ir

«ԱԼԻՔ» - Իրանահայ փորձագէտ՝ Թալին Մանսուրեանը «Իրանի Նաւթի ազգային հիմնարկ»-ի գլխաւոր տնօրէնի հրամանով նշանակւել է ներդրումների եւ եկամուտների կենտրոնի տնօրէնի պաշտօնում: Այս մասին է տեղեկացնում «Համշահրի» օրաթերթը միաժամանակ նշանակումը գնահատելով որպէս՝ երիտասարդ մասնագէտներին, յատկապէս կանանց, նման կարեւոր պատասխանատւութիւններ վստահելու դրական երեւոյթ:

Յօդւածագիրը ներկայացնելով Թալին Մանսուրեանի աշխատանքային փորձն ու կրթութեան ոլորտում ցենզը, նշել է, որ նորանշանակ տնօրէնը միջազգային իրաւաբանական ֆակուլտետի շրջանաւարտ է՝ առեւտրա-տնտեսական ուղղւածութեամբ: «Թերթը» ողջունելի համարելով այս նոր նշանակումը յոյս է յայտնել, որ նշւած ընկերութեան գլխաւոր տնօրէն Ալի Քարդարի օրինակին հետեւեն նաեւ միւս նախարարութիւնները, թեւ տալով երիտասարդութեան ներուժին միաժամանակ խուսափելով բարեկամական ու ազգակցական կապերի ու «ռանթերով» մարդկանց պատասխանատու աշխատանքների ընդունելուց:

Արձանագրենք, որ Նաւթի նախարարութիւնը երիտասարդ ներուժի ներգրաւման, ինչպէս նաեւ կանանց նկատմամբ խտրական մօտեցումներ չդրսեւորող միակ նախարարութիւնն է, ինչը կարող է օրինակ ծառայել միւսների համար:

 

Մեկնաբանութիւն գրել


Security code
Թարմացնել

 
Persian   Armenian

Ֆոտօռեպորտաժ

Տեսաֆիլմ