ԱԴՐԲԵՋԱՆԱԿԱՆ ԼՐԱՏՒԱՄԻՋՈՑՆԵՐԸ ԻՐԱՒԱՊԱՇՏՊԱՆ ԷՄԻՆ ՀՈՒՍԷՅՆՈՎԻՆ ՄԵՂԱԴՐՈՒՄ ԵՆ ՀԱՅԵՐԻ ՀԵՏ ԸՆԹՐԵԼՈՒ ՀԱՄԱՐ

Աղբիւր՝ www.yerkir.am

Վարշավայում սեպտեմբերի 10-ից մեկնարկած ԵԱՀԿ մարդու իրաւունքների, օրէնքի գերակայության ու ժողովրդավարութեան վերաբերեալ տարեկան համաժողովին մասնակցել է նաև ադրբեջանցի իրաւապաշտպան Էմին Հուսէյնովը:

Այս մասին յայտնում են ադրբեջանական լրատւամիջոցները:

Մշտապէս ալիևեան ռեժիմի քննադատութեամբ աչքի ընկնող Հուսէյնովը Վարշավայում հանդիպել է Լեհաստանի հայկական համայնքի ներկայացուցիչների հետ, խորհրդակցութիւններ ունեցել հայկական հասարակական կազմակերպութիւնների հետ:

Հանդիպումներից յետոյ ադրբեջանցի իրաւապաշտպանը հայերի հետ ճաշել է Վարշավայում գտնւող Golden Apricot ռեստորանում:

Իրաւապաշտպանի հայերի հետ ունեցած ընթրիքը զայրոյթ է առաջացրել Ադրբեջանի իշխանական և հասարակական շրջանակներում, ինչն իր արտայայտութիւնն է գտել մամուլում:

Հնարաւոր է, որ Հուսէյնովը հայերի հետ ունեցած հանդիպումների և ընթրիքի պատճառով ենթարկւի հետապնդումների և մեղադրւի «պետական դաւաճանութեան» մէջ, ինչպէս նախկինում արւել է Հայաստանի և Ադրբեջանի հասարակութիւնների միջև շփումների օգտին հանդէս եկած ադրբեջանցի յայտնի իրաւապաշտպանԼէյլա Յունուսի պարագայում:

 

Մեկնաբանութիւն գրել


Security code
Թարմացնել

 
Persian   Armenian

Ֆոտօռեպորտաժ

Տեսաֆիլմ