ՀԱՅԱԶԳԻ ԳԼԱԴԻՍ ԲԵՐԵՋԻԿԼԵԱՆԸ` ՆՈՐ ՀԱՐԱՒԱՅԻՆ ՈՒԵԼՍ ՆԱՀԱՆԳԻ ՎԱՐՉԱՊԵՏ

Աղբիւր՝ www.yerkirmedia.am

Հայազգի Գլադիս Բերեջիկլեանն ընտրւել է Աւստրալիայի Նոր Հարաւային Ուելս նահանգի 45-րդ վարչապետ: Այս պաշտօնում նա փոխարինում է Մայք Բերդին:

Աւստրալիայի Հայ Դատի յանձնախմբի անդամ, «Ազատական» կուսակցութիւնը ներկայացնող Բերեջիկլեանն առաջին կին վարչապետն է բոլոր նահանգների մասշտաբով: 46-ամեայ կինն իր առաջին ելոյթում խոստացել է լինել ղեկավար բոլորի համար:

Այնուհետեւ նա պատասխանել է լրագրողների հարցերին` անդրադառնալով նաեւ իր հայկական արմատներին: Բերեջիկլեանը հայ ներգաղթեալների ընտանիքից է, եղել է Նոր Հարաւային Ուելսի արտադրական կապերի նախարար, իսկ մինչ վարչապետ նշանակւելը` նահանգի գլխաւոր գանձապետը:

Ի դէպ նա 2013 թւականին Աւստրալիայի Նոր Հարաւային Ուելս նահանգի Խորհրդարանի պատգամաւորների պատւիրակութեան հետ միասին այցելել է Արցախ, որից յետոյ յայտնուել է Ադրբեջանի «սեւ ցուցակում»:

Հաւանական է Բերեջիկլեանի երդմնակալութեան արարողութիւնը տեղի ունենայ յունւարի 23-ի երեկոյեան` Կառավարութեան տանը կայանալիք միջոցառմանը:


Մեկնաբանութիւն գրել


Security code
Թարմացնել

 
Persian   Armenian

Ֆոտօռեպորտաժ

Տեսաֆիլմ