Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻՆ ԱՅՑԵԼԵՑ ԵԿԵՂԵՑԻՆԵՐԻ ՀԱՄԱՇԽԱՐՀԱՅԻՆ ԽՈՐՀՐԴԻ ԸՆԴՀԱՆՈՒՐ ՔԱՐՏՈՒՂԱՐԸ

 

Աղբիւր՝ www.armenianorthodoxchurch.org

 

Ժնեւ ժամանման առաջին իսկ օրը,  Վեհափառ Հայրապետն իր իջեւանած պանդոկում ընդունեց Եկեղեցիների համաշխարհային խորհրդի ընդհանուր քարտուղար դկտ. Օլաֆ Թուէյթին, Միջին արեւելքի պատասխանատուի հետ միասին: Նրանք երկար հանդիպում ունեցան, որի ընթացքում լայնօրէն քննարկւեց Ժնեւ-2 ժողովի գծով Եկեղեցիների համաշխարհային խորհրդի ծրագրած համագումարը, որի պատրաստութեան ընթացքում Նորին Սրբութիւնը կարեւոր դեր ունեցաւ:

Այս առիթով, նրանք նաեւ անդրադարձան ընդհանրապէս ԵՀԽ–ի գործունէութեան մի շարք բնագաւառներին: Այս ծիրում Վեհափառ Հայրապետն իր ունեցած միջ–եկեղեցական լայն փորձառութեան լոյսի տակ մի շարք մատնանշումներ ու թելադրութիւններ կատարեց:

Նոյն օրը Վեհափառ Հայրապետին այցելեց նաեւ Բոսէի մէջ եկեղեցական կրթական հաստատութեան տնօրէնը, ընկերակցութեամբ Մեծի Տանն Կիլիկիոյ Կաթողիկոսութեան կրտսեր միաբաններից հոգշ. Տ. Զարեհ աբղ. Սարգիսեանի: Յայտնենք, որ Զարեհ Աբեղան ուսանում է նոյն հաստատութեան մէջ:


Մեկնաբանութիւն գրել


Security code
Թարմացնել

 
Persian   Armenian

Ֆոտօռեպորտաժ

Տեսաֆիլմ