ՍԻՐԻԱՀԱՅԵՐԻ ԱՋԱԿՑՈՒԹԵԱՆ ԲԱՐԵԳՈՐԾԱԿԱՆ ՑՈՒՑԱՀԱՆԴԷՍ-ՎԱՃԱՌՔ՝ ԵՐԵՒԱՆՈՒՄ

 

Աղբիւր՝ www.armenian.irib.ir

 

Ապրիլի 12-ին Երեւանի քաղաքապետարանի նախասրահում կազմակերպւել էր «Բարի գալուստ Հայաստան» Դիւանագիտական ասոցիացիայի կողմից բարեգործական ցուցահանդէս-վաճառք: Մայրութեան եւ գեղեցկութեան տօնին նւիրւած ցուցահանդէս-վաճառքին իրենց տաղաւարներով մասնակցում էին Հայաստանում հաւատարմագրւած տարբեր երկրների դիւանագիտական ներկայացուցչութիւններ` իրենց երկրի ապրանքներով, Հայաստանում գործող տարբեր կազմակերպութիւններ, սիրիահայ գործարարներ: Միջոցառմանը ներկայ էին Հ.Հ. Ա.Գ.Ն. պաշտօնակատար Էդւարդ Նալբանդեանը, Երեւանի քաղաքապետը, Ա.Ժ. պատգմաւորներ, Հայաստանում իրենց առաքելութիւնն իրականացնող դեսպաններ, դեսպանատների աշխատակիցներ եւ այցելուներ:

Քաղաքապետարանի ճեմասրահում կազմակերպւած ցուցահանդէս-վաճառքին մասնակցում էին 30 կազմակերպութիւններ եւ 20 դիւանագիտական ներկայացուցչութիւններ։ Ցուցահանդէս-վաճառքի հասոյթը նւիրաբերւելու է Երեւանի Ներքին Չարբախի թիւ 130 եւ Նոր Արեշի թիւ 71 մանկապարտէզների վերանորոգմանը եւ կարիքաւոր սիրիահայերին: Նաեւ ցուցահանդէս-վաճառքի ընթացքում տեղի է ունեցել մրցանակաբաշխութիւն՝ «տաղաւարի լաւագոյն ձեւաւորում», «ամենակատիւ դեսպանի տիկին», «լաւագոյն համակրանք վայելող մասնակից», «ակտիւ գնորդ», «ամենահամեղ ուտեստ» անւանակարգերում: