«ԹԵՒԱՆԻԿԻ» ՃԱՆԱՉՈՂԱԿԱՆ ԱՅՑՆ ԱՌՈՂՋԱՊԱՀՈՒԹԵԱՆ ՈԼՈՐՏՈՒՄ ՄԵԾ ԾՐԱԳԻՐ ԴԱՌՆԱԼՈՒ ՆԱԽԱԴՐԵԱԼ ՈՒՆԻ

Աղբիւր՝ www.yerkir.am

«Թեւանիկ» բարեգործական խմբի անդամներն այս անգամ առողջապահական ոլորտում համագործակցութեան պատրաստակամութեամբ են այցելել Արցախ:

Ապրիլի 1-ին «Թեւանիկ», «Իրանի հայ բժիշկների միութեան» անդամները եւ ԱՀ Ազգային ժողովի «Դաշնակցութիւն» խմբակցութեան անդամ Ռիտա Մնացականեանը հանդիպել են Արցախի Հանրապետութեան առողջապահութեան նախարար Արայիկ Բաղրեանի հետ: Հանդիպման ընթացքում նախարարը ներկայացրել է Արցախի առողջապահութեան ոլորտի առանձնայատկութիւնները, որոնք եւ պէտք է հիմք հանդիսանան յետագայ համագործակցութեան եւ պարբերական շփումների:

«Քննարկւել են Իրանի հայ բժիշկների մասնագիտական կարողութիւններն Արցախին ծառայեցնելու հնարաւոր տարբերակները եւ մասնագիտական փոխանակման հարցեր»,- ասել է «Թեւանիկ» խմբի պատասխանատու Իւետ Դանիէլեանը եւ նշել, որ այս ճանաչողական այցն ունի մեծ ծրագիր դառնալու նախադրեալ:

Իրանից ժամանած բարեգործներն այցելել են Հանրապետական բժշկական կենտրոն, Շուշիի եւ Ասկերանի շրջանային բուժմիաւորումներ, որտեղ իրականացրել են փորձնական գործնական աշխատանքներ` «Արդիւնաւէտ հաղորդակցութեան հմտութիւններն առողջապահական համակարգում» թեմայով` առողջապահական ոլորտում աշխատող աւելի քան 50 մասնագէտի հետ: Ատամնաբուժական ոլորտի մասնագէտներն էլ հանդիպել են «Դենտեքս» եւ «Ձեռք ձեռքի» կազմակերպութիւնների տնօրէնների եւ մասնագէտների հետ, որտեղ եւս կատարել են գործնական աշխատանքեր:

Նախարար Բաղրեանը ողջունել է առողջապահական ոլորտի մասնագէտների այցն Արցախ եւ վստահութիւն յայտնել յետագայ համատեղ ծրագրերի իրականացման հարցում:

 

Մեկնաբանութիւն գրել


Security code
Թարմացնել

 
Persian   Armenian

Ֆոտօռեպորտաժ

Տեսաֆիլմ