ՀԱՅԱՍՏԱՆ ԵՒ ԱՐՑԱԽ ՊԷՏՔ Է ՍՏՈՐԱԳՐԵՆ ՌԱԶՄԱՔԱՂԱՔԱԿԱՆ ՊԱՅՄԱՆԱԳԻՐ. ԱՐՑԱԽԻ ԱԶԳԱՅԻՆ ԺՈՂՈՎԻ ՓՈԽՆԱԽԱԳԱՀ

Աղբիւր՝ www.asbarez.com

Արցախի Ազգային ժողովի փոխնախագահ Վահրամ Բալայեան «Թերթ»ի թղթակիցին յայտնեց, որ Հայաստանի եւ Արցախի միջեւ պէտք է մշակուի եւ ստորագրուի ռազմաքաղաքական համագործակցութեան մասին պայմանագիր:

«Որպէսզի 2 երկրների միջեւ համագործակցութիւնն իրաւական հիմքերի վրայ դրուի, կարծում եմ, որ նման պայմանագրի անհրաժեշտութիւն կայ: Այդ պայմանագիրը պէտք է ներառի Հայաստանի ու Արցախի պարտաւորութիւնները, համաձայնութիւնները, քաղաքական համագործակցութեան բնոյթը պատերազմի պայմաններում, խաղաղ ժամանակ կամ լարուածութեան շրջանում», մանրամասնեց Բալայեան:

«Այս պահին մենք առաջ ենք շարժւում Արցախը միջազգային, իրաւական տեսանկիւնից ճանաչելու ճանապարհով: Պէտք է որոշակի իրաւասութիւնների ու պարտականութիւնների տարանջատում լինի, որպէսզի միջազգային հանրութիւնն էլ հասկանայ, որ 2 պետութեան կենսական շահն է իրար հետ համագործակցելը: Իհարկէ, սա չի նշանակում, որ Հայաստանի ու Արցախի միջեւ այսօր համագործակցութիւն չկայ, բայց կարծում եմ, որ նման պայմանագիրը նոր լիցք կը հաղորդի մեզ», նշեց Վահրամ Բալայեան:

 

Մեկնաբանութիւն գրել


Security code
Թարմացնել

 
Persian   Armenian

Ֆոտօռեպորտաժ

Տեսաֆիլմ