ՆՈՐ ՆՇԱՆԱԿՈՒՄՆԵՐ ԱՐՑԱԽԻ ԿԱՌԱՎԱՌՈՒԹԵԱՆ ԵՒ ՈՒԺԱՅԻՆ ԿԱՌՈՅՑՆԵՐՈՒ ՄԷՋ

Աղբիւր՝ www.yerakouyn.com

Լեռնային Ղարաբաղի նախագահ Բակօ Սահակեան Յունիս 6ին հրամանագիրներ ստորագրած է, որոնցմով փոխուած են կառավարութեան շարք մը բարձրաստիճան պաշտօնեաներ եւ ուժային կառոյցներու ղեկավարներ:

Հրամանագիրներուն համաձայն`

Գրիգորի Մարտիրոսեան նշանակուած է պետական նախարար` ազատուելով ելեւմուտքի նախարարի պաշտօնէն, Արթուր Յարութիւնեան նշանակուած է Ելեւմուտքի նախարար, գնդապետ Սամուէլ Շահրամանեան նշանակուած է Ազգային անվտանգութեան ծառայութեան տնօրէն, գնդապետ Իկոր Գրիգորեան նշանակուած է ոստիկանութեան պետ:

Նախապէս Արայիկ Յարութիւնեան իր դիմումին համաձայն ազատուած էր պետական նախարարի պաշտօնէն, զօրավար-հարիւրապետ Արշաւիր Ղարամեան` Ազգային անվտանգութեան տնօրէնի պաշտօնէն, զօրավար-աւագ սպայ Կամօ Աղաջանեան` ոստիկանութեան պետի պաշտօնէն:

Լեռնային Ղարաբաղի նորանշանակ պետական նախարար 40ամեայ Գրիգորի Մարտիրոսեան մասնագիտութեամբ տնտեսագէտ է, վերջին 20 տարուան ընթացքին շարք մը պաշտօններ  զբաղեցուցած Լեռնային Ղարաբաղի կառավարութեան մէջ, իսկ 2017ին նշանակուած է Ելեւմուտքի նախարար: Զուգահեռաբար կը դասաւանդէ Արցախի պետական համալսարանին մէջ:

Յիշեցնենք, որ Յունիս 1ին Ստեփանակերտի մէջ Ազգային անվտանգութեան ծառայութեան աշխատակիցներու եւ քաղաքացիներու միջեւ տեղի ունեցած ծեծկռտուքէն ետք բողոքի ցոյցի դուրս ելած Ացախի բնակիչները կը պահանջէին  ուժային կառոյցներու ղեկավարներու հրաժարականը:


Մեկնաբանութիւն գրել


Security code
Թարմացնել

 
Persian   Armenian

Ֆոտօռեպորտաժ

Տեսաֆիլմ