ՀԱՅ-ԻՐԱՆԱԿԱՆ ՔԱՂԱՔԱԿԱՆ ԽՈՐՀՐԴԱԿՑՈՒԹԻՒՆՆԵՐ ԹԵՀՐԱՆՈՒՄ

Աղբիւր՝ www.iranahayer.com

Դեկտեմբերի 15-ին Օւկիանիայի և ԱՊՀ հարցերով ԻԻՀ ԱԳ նախարարի տեղակալ Էբրահիմ Ռահիմփուռի հրաւէրով Թեհրան այցելեց ՀՀ ԱԳ նախարարի տեղակալ Շաւարշ Քոչարեանի գլխաւորած պատւիրակութիւնը քաղաքական խորհրդակցութիւններ անցկացնելու նպատակով:

Այցի շրջանակներում նախարարի տեղակալ Շաւարշ Քոչարեանը հանդիպեց ԻԻՀ ԱԳ նախարար Մոհամմադ Ջաւադ Զարիֆի հետ: Հանդիպման ընթացքում ԻԻՀ ԱԳ նախարար Զարիֆը նշեց, որ Իրանի և Հայաստանի միջեւ առկայ են բարի-դրացիական յարաբերութիւններ եւ փոխ-շահաւէտ համագործակցութիւն, և գոյութիւն չունի որեւէ սահմանափակում տարբեր բնագաւառներում այն առաւել ընդլայնելու համար:

Խօսելով միջազգային հարթակներում երկկողմ համագործակցութիւնից` նախարար Զարիֆը բարձր գնահատեց Հայաստանի կառուցողական դերն այդ ոլորտում: 

Տարածաշրջանային, մասնաւորապէս` Ղարաբաղեան հակամարտութեան կարգաւորման կապակցութեամբ, ԻԻՀ ԱԳ նախարարը ընդգծեց հիմնախնդրի խաղաղ եւ միջազգային իրաւունքի նորմերի շրջանակներում կարգաւորման անհրաժեշտութիւնը:

Շաւարշ Քոչարեանը փոխանցեց նախարար Զարիֆին ուղղւած ՀՀ ԱԳ նախարար Էդւարդ Նալբանդեանի ողջոյնները:

Նախարարի տեղակալ Ռահիմփուռի հետ հանդիպման ընթացքում քննարկւեցին քաղաքական, տնտեսական եւ այլ ոլորտներին առնչւող երկկողմ համագործակցութեան շուրջ մի շարք հարցեր:


Մեկնաբանութիւն գրել


Security code
Թարմացնել

 
Persian   Armenian

Ֆոտօռեպորտաժ

Տեսաֆիլմ