ԱՍՂԱՐ ՖԱՐՀԱԴԻԻ ԵՐԿՐՈՐԴ «ՕՍԿԱՐ»-Ը

Աղբիւր՝ www.alikonline.ir

«alikonline.ir»- Իրանցի ռեժիսոր Ասղար Ֆարհադին միացաւ համաշխարհային կինոյի լեգենդների շարքին:

Ժամեր առաջ Լոս Անջելէսում մեկնարկել է 2017 թւականի Կինոարւեստի ամերիկեան ակադեմիայի մրցանակաբաշխութիւնը՝ «Օսկար»-ը:

Լաւագոյն օտարալեզու ֆիլմի անւանակարգում յաղթող է ճանաչւել իրանցի ռեժիսոր Ասղար Ֆարհադիի «Վաճառողը» ֆիլմը:

Յիշեցնենք, որ «Վաճառողը» ֆիլմն իր յաղթարշաւը սկսել էր 2016 թւական Կաննի կինոփառատօնից, ուր նւաճել էր լաւագոյն սցենարի եւ լաւագոյն դերասանի (Շահաբ Հոսէյնի) համար մրցանակները:

Սա անւանի ռեժիսորի երկրորդ «Օսկար»-ն է: 2011 թւականին նրա նկարահանած «Նադերի եւ Սիմինի ամուսնալուծութիւնը» ֆիլմը նոյնպէս արժանացել էր լաւագոյն օտարալեզու ֆիլմ անւանակարգի «Օսկար»-ին:

Նշենք, որ մրցանակաբաշխութեանը բացակայում էր Ասղար Ֆարհադին: Նա ի նշան բողոքի ընդդէմ Թրամփի ընդունած հակամիգրացիոն օրէնքի, որն արգելում է Իրանի ինչպէս նաեւ 6 մուսուլմանական այլ երկրների քաղաքացիների մուտքն ԱՄՆ, հրաժարւել էր մասնակցել մրցանակաբաշխութեանը: Նման որոշում էր կայացրել նաեւ ֆիլմի դերասանուհի Թարանէ Ալիդուսթին:

Ֆարհադիի փոխարէն մրցանակը ստացել ու նրա պատգամն է ներկաներին փոխանցել իրանցի առաջին տիեզերագնաց Անուշէ Անսարին:


Մեկնաբանութիւն գրել


Security code
Թարմացնել

 
Persian   Armenian

Ֆոտօռեպորտաժ

Տեսաֆիլմ