Շաբաթ՝ 2019 թւականի դեկտեմբերի 28-ի երեկոյեան, Նոր Ջուղայի Հայուհեաց Բարեգործական ընկերութեան կենտրոնատեղիում, հայ մեծանուն բանաստեղծ Յովհաննէս Թումանեանի ծննդեան 150-ամեակի առիթով ասմունքի երեկոյ իրականացւեց, ուր ելոյթներով հանդէս եկան Բարեգործական ընկերութեան «Փարոս» ասմունքի պատանեկան խմբի անդամները:

Ծրագրին ներկայ էին՝ Բարեգործական ընկերութեան եւ «Փարոս» ասմունքի աւագ խմբի անդամուհիները, խմբի սաների ծնողներն ու հիւրեր: 

Միջոցառումն սկիզբ առաւ Վեհանուշ Խուդաբախշեանի ողջոյնի խօսքով եւ նախատօնական բարեմաղթանքներով, ապա Վանա Զոհրաբեանն ընթերցեց Թումանեանի կենսագրականը: 

Ծրագրում Վանիա Պետրոսեանը բացատրութեամբ հանդէս եկաւ մեծանուն բանաստեղծի քառեակների մասին, որից յետոյ Մեղրի Կարապետեանն ընթերցեց բանաստեղծի քառեակներից: 

Երեկոյի ընթացքում երկուական ասմունքներով ելոյթ ունեցան «Փարոս» ասմունքի պատանեկան խմբի անդամները.

Սիսիանա Յակոբեան՝ «Մեր ուխտը» եւ «Նրան»

Անի Քրիստին Աղաբաբայեան՝ «Ցոլուն աստղեր» եւ «Մարտ»

Անիա Յովսէփեան՝ «Աղբիւր» եւ «Հին օրհնութիւն»

Սէրլի Սարեան՝ «Գութանի երգը» եւ «Վայրէջք»

Ստեփանիա Յակոբեան՝ «Պանդուխտ եմ քոյրիկ» եւ «Հայոց լեռներում»

Էմիլի Պօղոսեան՝ «Յիշիր» եւ «Դպրոցի ճամբան»

Քաջազունի Սարեան՝ «Թէպէտ եւ մեզ բախտը շատ հարւածեց» եւ «Տերեւաթափ»

Վանէ Խաչիկեան՝ «Աստղերի հետ» եւ «Դու քո ճամփեն» 

Գեւիկ Յովսէփեան՝ «Ախ ինչ լաւ են սարի վրայ» եւ «Սրտիս թագուհի»

Սերինէ Յակոբեան՝ «Լուսաւորչի կանթեղ» եւ «Ժպտուն աչքեր»

Բիւրեղ Տէր-Յովհաննիսեան՝ «Հատիկ» եւ «Իմ երգը».

Վերջում «Փարոս» ասմունքի զոյգ խմբերի անունից Բարեգործական ընկերութեան վարչութեանն ու սաների ծնողներին ուղղած շնորհակալական խօսքով հանդէս եկաւ Վեհանուշ Խուդաբախշեանը՝ խմբերին անվերապահ սատարելու համար:

Երեկոն աւարտւեց ընդունելութեամբ:  

Յատկանշական է, որ սկզբնական շրջանում «Փարոս» ասմունքի պատանեկան խմբի ղեկավարն է եղել Ովսաննա Բաղումեանը, իսկ այժմ խմբի հետ որպէս պատասխանատու-ղեկավարներ աշխատում են՝ Վանիա Պետրոսեանն ու Վեհանուշ Խուդաբախշեանը:

Թղթակից (Նոր Ջուղա)