ՅՈԲԵԼԵԱՆԱԿԱՆ ՄԻՋՈՑԱՌՈՒՄ՝ ՇԱՀԻՆՇԱՀՐԻ ՀԱՅ ԿԱՆԱՆՑ ԵԿԵՂԵՑԱՍԻՐԱՑ ՄԻՈՒԹԵԱՆ 42-ԱՄԵԱԿԻ ԱՌԹԻՒ

Հինգշաբթի՝ 2018 թւականի նոյեմբերի 22-ի կէսօրից յետոյ ժամը 4:00-ին, «Սրբոց Վարդանանց» դպրոցի սրահում, Շահինշահրի Հայ Կանանց Եկեղեցասիրաց միութեան նախաձեռնութեամբ յոբելեանական ձեռնարկ տեղի ունեցաւ նոյն միութեան հիմնադրման 42-ամեակի առիթով: Միջոցառմանը ներկայ էին արժ․Տ․Սահակ քհնյ․Մինասեանը, Շահինշահրի Հայ համայնքի վարչութեան եւ տեղի միութիւնների ներկայացուցիչները, «Սրբոց Վարդանանց» դպրոցի ուսուցչական կազմը, յոբելեար միութեան անդամուհիներն ու մի շարք այլ հրաւիրեալներ:

Սկզբում ներկաները մէկ րոպէ յոտնկայս լռութեամբ յարգեցին միութեան վախճանեալ անդամուհիների յիշատակը, ապա վարչութեան նախագահուհի՝ Անահիտ Օհանեանը, ակնարկ ունեցաւ միութեան գործունէութեանը՝ անցնող 42 տարիների ընթացքում:

Այնուհետեւ կարկանդակը յատւեց յոբելեարի երիցագոյն եւ կրտսերագոյն անդամուհիներ Վարդուշ Մկրտչեանի ու Սեդա Յակոբեանի միջոցով, իսկ ընթացքում արտայայտւեց արժ․Տ․Սահակ քհնյ․Մինասեանը, որն ընդգծելով, թէ միութիւնը հիմնւել եւ գոյատեւել է անդամուհիների հաւատի ու յոյսի շնորհիւ, առաւել եռանդ ու բեղմնաւոր գործունէութիւն եւ յաջողութիւն մաղթեց միութենականներին:

Շարունակութեան մէջ հնչեցին բարեմաղթանքներ, իսկ տօնական խանդավառութիւնը բազմապատկւեց ներկաների երգերի ու ասմունքների կատարումներով:

Թղթակից (Շահինշահր)


Մեկնաբանութիւն գրել


Security code
Թարմացնել

 
Persian   Armenian

Ֆոտօռեպորտաժ

Տեսաֆիլմ