ԱԶԳԱԳՐԱԿԱՆ ԶԳԵՍՏՆԵՐԻ ՆՈՐՈԳՈՒԹԵԱՆ ՆԱԽԱՊԱՏՐԱՍՏԱԿԱՆ ԴԱՍԱՐԱՆՆԵՐ՝ ՆՒԻՐՒԱԾ ՄՇԱԿՈՅԹԻ ՏՕՆԻՆ

Նախաձեռնութեամբ Ս. Ամենափրկիչ վանքի Ազգագրական թանգարանի յանձնախմբի, հովանաւորութեամբ Սպահանի հայոց թեմի Թեմական խորհրդի եւ համագործակցութեամբ ազգային Առաջնորդարանի «Ս. Ներսէս Շնորհալի» գրադարանի եւ Հանրային կապի գրասենեակի, երեքշաբթի՝ 2018 թւականի հոկտեմբերի 9-ի երեկոյեան, նոյն գրադարանի տարածքում տեղի ունեցաւ ազգագրական զգեստների նորոգութեան նախապատրաստական դասարանները, որտեղ զգեստների վերանորոգման մասնագէտ Հալէ Հելալին մանրամասնօրէն ներկայացրեց սոյն թանգարանի զգեստների նորոգութեան եւ մաքրման գործընթացը:

Դասարանին մասնակցում էին կար ու ձեւի, ասեղնագործութեան եւ զանազան ձեռագործերի վարպետ-մասնագէտ հայ կանայք:

Ծրագրում բացման խօսքով եւ բացատրութիւններով հանդէս եկաւ Հանրային Կապի գրասենեակի պատասխանատու եւ Ազգագրական թանգարանի յանձնախմբի անդամ Մանիա Ղուկասեանը: Նոր Ջուղայի զգեստների մասին հետաքրքիր տեղեկութիւններ փոխանցեց  Ազգագրական թանգարանի համակարգող՝ Զոյեա Խաչատրեանը, որից յետոյ հաճելի ու հետաքրքիր մթնոլորտում ընթացաւ բովանդակալից այս դասարանը:

Թղթակից (Նոր Ջուղա)

 

Մեկնաբանութիւն գրել


Security code
Թարմացնել

 
Persian   Armenian

Ֆոտօռեպորտաժ

Տեսաֆիլմ