ՆՈՐ ՋՈՒՂԱՅԻ ՀԱՅՈՒՀԵԱՑ ԲԱՐԵԳՈՐԾԱԿԱՆ ԸՆԿԵՐՈՒԹԵԱՆ ԱՄԵՆԱՄԵԱՅ ԲԱՐԵԳՈՐԾԱԿԱՆ ԴԱՇՏԱՀԱՆԴԷՍԸ՝ ՆՒԻՐՒԱԾ ՋԱՒԱԽՔԻՆ ԵՒ ՋԱՒԱԽՔԱՀԱՅՈՒԹԵԱՆԸ

16 տարիներ է, ինչ Նոր Ջուղայի Հայուհեաց Բարեգործական ընկերութիւնը, Ն. Ջ. Հայ Մ. Մ. «Արարատ» միութեան Կենտ. վարչութեան հետ համագործակցաբար, կազմակերպում է Ջաւախքին նւիրւած իր բարեգործական դաշտահանդէսը: Ամենամեայ այս միջոցառման հասոյթը յատկացւում է շրջանի Հայ Դատի յանձնախմբի կողմից ստեղծւած Ջաւախքի հիմնադրամին, որի գումարներից մինչեւ այսօր մի շարք շինարարական եւ վերանորոգման աշխատանքներ են իրականացւել Ջաւախքի տարբեր շրջաններում: 

Սոյն բարեգործական դաշտահանդէսն այս տարի իրականացւեց ուրբաթ՝ յունիսի 30-ի երեկոյեան, «Արարատ» միութեան շրջափակում, ուր ժողովուրդն առիթ ունեցաւ վայելելու անակնկալներով լի խանդավառ մթնոլորտը՝ իր բազմատեսակ եւ զւարճալի խաղերով, մրցոյթներով, անուշաբոյր ուտեստներով, ինչու չէ նաեւ հնչող գեղեցիկ երաժշտութեամբ:

Հարկ է նշել, որ կազմակերպիչների գեղեցիկ մտայղացմամբ, այս տարի պատանիների համար տեղի ունեցաւ նաեւ գիտելիքների մրցոյթ, որի արդիւնքում լաւագոյնը ճանաչւեց ու գնահատւեց Արթուր Քամարզարեանը:

Թղթակից (Նոր Ջուղա)
 

Մեկնաբանութիւն գրել


Security code
Թարմացնել

 
Persian   Armenian

Ֆոտօռեպորտաժ

Տեսաֆիլմ